تيجى نعاكس

صحيت اليوم من النوم نشيط على غير العادة وحسيت إنى جوايا طاقة كبيرة جداجداتكاد تنفجر من جوانبى جائتنى فكرة جهنمية أو قل شيطانية وهى إنى أعمل النهاردة أى حاجة لم أقم بها من قبل أى حاجة ؟ .............. نعم أى حاجة طيب فكر معايا أنا معملتش إيه خد عندك أول هام وأهم حاجة إنى أعاكس بنت تكون جميلة......... وليه لأ....... أنا عمرى ماعاكست بنات قبل كده .......... وما له ... النهاردة تعاكس .... أول مرة أول مرة واهو تتعلم بيعاكسوا إزاى وتتجرأ ......بدل مانتا قاعدلى فى الكلية عامللى نافسك أرسطوا داخل بديوان شعر وخارج بكتاب فلسفة ............ لألأ عيب ....... أنا شاب ملتزم وكمان إخوانى ..... ياعم إخوانى إيه وملتزم مين ....... هوفى حد ملتزم بقولك إيه متتعبنيش معاك أنا قولت النهاردة يوم غير عادى هاعاكس يعنى هعاكس شوف انت النهاردة فى رابعة شوف بقالك كام سنة ولسة ممشتش مع بنت شوفت الالتزام عمل فيك ايه ده اول هام تانى هام انا قولت النهاردة يوم غير عادى يبقى ............ تشرب سجاير .......... نعم ... اهو دا اللى ناقص كمان ........ أمشى وسط الاخوة ماسك سجارة وساحب بنت فى إيدى ....... عايز الاخوة تاكل وشى ....... إخوة مين ياعم انت لسه بتفكر فى الحاجات اللى بتودى فى دهيه دى اخوان مين يابنى وملتزمين مين انت تسيب الاخوان دول خالص كفاية اللى حصلك انت عايزنى اموت من حسرتى وانا بشوفك محترم مع الاخوان اياك حسك عينك اشوفك ماشى فى مسيرة ولابتتكلم فى المدرج تانى انت عايز ( صبرى جازية ) يسحب منك الكارنية ولا العميد يبعتلك ويهددك علنى ولا يتصلوا بأهلك فى البيت ويعملوا لك مشاكل ..؟...... مش عيب تقول كده وانت راجل ملو هدومك فى رابعة على فكرة انت نرفزتنى على الصبح مش همشيك مع بنات ..... لا والنبى انا آسف نفسى أمشى مع بنات لأ انت مبتسمعش الكلام آخر مرة خلاص سماح المرادى بس حسك عينك تقوللى اخوان تانى طيب انا غلطان يالا يا سيدى هنبدأ بالمعاكسة أول حاجة للفت نظر البنت هو العين لا زم تنظر لها نظرة تخليها تشك فى نفسها ..................... - أبحلق يعنى - تبحلق إيه يابنى انت نظرك ضعيف .......... بقولك الفت نظرها ........... إيه عمرك مابصيت لبنت أفضل بصلها كتير ...... وهيه هتاخد بالها خلاص بعد كده حاول تبتسم لها ............... ؟ ولو معرفتش ؟ - معرفتش إيه فى حد ميعرفش يبتسم ........ بس خلى بالك ابتسامه خفيفة مش ضحكة صعايدة بعدين تقدم منها واما توصل عندها توقع منك اى حاجه قال يعنى وقعت صدفه - اوقع ايه بالظبط - شلن بريزة ربع جنيه مخروم أى حاجة يعنى قال يعنى معاك فلوس ومتريش اقولك وقع كتاب النحو بس اوعى تشيله تانى لحسن تذاكر وتفشل وافضل بص ليها وقول لها ( انا بشبه عليكى انا شوفتك فى الكلية هنا قبل كده ؟ ) بس قولها وانت فى قمة الرقة والرومانسية وحاول تقلد صوت عمر الشريف اللى انت عارفه ( شكلك لا عارفه ولا نيله الاخوان كلوا عقلك بحبة كلام ،اصواتكوا دى ماتنفعشى غير فى المظاهرات وخلاص ) شكلك كده حتفضحنى . - شكلك فاهم يا نصة - وهى بقى هتبتسم كالعاده وهتوقلك بكل حنية ورقة ( طبعا أنا من الكلية ) وانت تروح تقول لها يا محاسن الصدف وتبدأ تتعرف عليها زى ماكل الشباب بيعملوا .......... بس هو دا الامر ببساطة . - بس كده دا أمر بسيط خالص وهما بقى الشباب بيعملوا إيه ؟ - ولا انت خنقتنى ......... مش عايزك تعمل حاجه .............. مش عارف الشباب بيعملوا إيه ؟ بيكملوا التعارف وهما ماشيين ويروحوا يشتروا كنز من عند كافيتريا العمده وتبقى صداقة أو حب أو حاجات تانيه زى مانتا عايز بس شوفت الدنيا بسيطة ازاى وانتوا اللى معقدينها يا بتوع الاخوان - يا عم اخوان ايه بقى دانا هامشى مع بنات هو فى حد أدى دلوقتى ؟ ( وتمر ساعات وبعد الحاولة يأتى صاحبنا اللى بيحاول يبقى فرفور وعلى وشه أثار ضرب ) إيه فى إيه ؟ إيه اللى عمل فيك كده انت مش قولتلى ابتسم ليها وروح وكلمها وهى هتقوم بالواجب معاك ايوه ايه اللى حصل اهى فعلا قامت بالواجب وكمان معاها صاحباتها ليه كده انت عملت ايه عملت اللى انت قولت لى عليه بالحرف ودى النتيجة هى كانت لابسه ايه بالظبط يعنى هتكون لابسه ايه .......... خمار وعباية وقاعده وسط حلقة وبنات ماسكه مصحف يالهوااااااااااااااااااااااااااااااااااااااااااااااااااى عاكست واحده من الاخوات ............... فالح ....... تستاهل انت كمان مش عارف الاخوات بتوعكوا جااااااااااااااااااااااااااااااااااااااااااى منك يا عم انا مالى بده كله انا مليش غير طريق واحد هو طريق الاخوان -