فينك يا سيـــد قطـــب

فى قصيدة الأبنودى " فينك يا عبد الحليم " رأيته يمجد فى الطاغوت الناصرى ويبكى عهده الأسود ويرثى القومية العربية وأمجادها المزعومة والتى انتهت بخزى النكسة كل ذلك من خلال " عبد الحليم " أكبر ألسنتهم الإعلامية التى ضللوا بها الناس فرأيته يبكى على ليلاه ...... فقلت ومالى لا أبكى على ليلاى فبكيتها بأسطورة الشهيد " سيد قطب " الذى هو رمز للثبات على المنهج والتمسك بالكلمة مهما كانت النتيجة وأبكى فيها جميع من كانوا معه على الجمر وأبكيها إمامى الشهيد فإليهم جميعا ً ....... أحمد درويش

( 1 ) فينك يا سيد قطب فينك سنين وسنين يا صامد فى وجه البغى ما هونتش ولا خونتش ولا تخضع لظلم عظيم يا حامل هموم أمـّة بتعانى المرض يفتك فى جسم الليل ونام فجره قرير العين بعيد عن دوشة الآهات بتصرخ ويل يئن الليل _ وفجره أعمى _ يبات محزون بجسم عليل فين ياللى قلمك كان بكى بهموم وكان جرعات دوا لسموم وكان بيطيب الــّجراح بيخفت ضوء فى قلب الليل فينك سنين وسنين فينك تطيب تدوى قلب حزين قلب انفطر لمّـا شهد دم الإيمان والدين يجرى وينزف يشتكى يصرخ ينادى للسما ويخضب الزنازين فينك سنين وسنين الحبل حبلك دبــل والمشنقة مكسورة والسجانين مساكين متظنش إنه انتصر الظلم بنـّـا وساد النكسة عالية فى السما تحجب شموس الظالمين تعمى عيون المادحين النكسة ذل فى جباة المذلولين النكسة جايه تنتقم بسلاح حزين النكسة دى برهان إله العالمين حقك ما ضاع رأيك أهو فينا انتفض والحق شاع فى شباب المؤمنين الحق دايما ً منتصر يخرج من العتمة القوية ينتفض من بين جباه الساجدين يخرج ينور يكبت الكيد المكين من كل درب وحدب فينك يا سيد قطب . ( 2 ) قالوا الظلام دامس بيطغى على القمر والقمر شاخ من زمان عدّت ليالى طوال عليه مرّت سنين حلــّت سنين والقمر ثابت مكانه من زمان لكن كــِـبــــر مبقاش ينور من زمان بهت الضياء والظلام نشر السما والورد صاحب دمعته ويــّا الظلام والشوك خسيس يهتك ويجرح فى الورود نزف العبير فوق الخدود بكت السما ضى القمر والظلام ملك الزمام نشر القيود حبس القمر عدم الورود صادر جميع الرياحين والفجر أعمى من سنين مش شايف الورد الحزين باخل بشمسه عنــّـهم باخل بشمس تضمهم تحميهم من العتمة الخسيسة تهزم الضلمه وتيجى فى صفـّهم والظلام دامس بيطغى على القمر والقمر ثابت مكانه من زمان لكن كبر قام الظلام نشر النجوم فوق فى السما بين القمر حراس تعذب فى القمر فى محبسه وأفواه بتهتف للظلام بتمجد الفجر فى سماه وتحى ّ نوره اللى بيخرج من ضياه نور الظلام !! ....... وجباه بتسجد للظـــــــــــــــــــــــلام بيقدسوا نور الإيمان اللى بيجرى فى قلوبهم من قواه بيقدسوا مجده وفجره وضياه وأمواج بتضرب من سنين وأصوات بتخدع من سنين غنـّى بحياته يا ست وإحلف بجيشه يا حليم والشعب ميت من سنين كل الأمور صارت كرب والريحة طلعت بالعطب ومصر صارت جدب فينك يا سيد قطب . ( 3 ) ومنصة الإعدام بتشهد للزمن عن وقفتك فوقها وتحكى للبشر رافع عنيك ملهوف بارق فى وجه الخوف وناظر للسما نظرة شرود نظرة إيمـــان تحكى الثبات ويـّا الصمود نظرة تأمل للحياة نظرة تأمل تنده الفجر فى سماه " قوم وانتصر واكسر قفول كل القيود " " يا شهيد جحوظ عينك دليل الانتصار الانتصار هوّ الثبات إنك تقول الحق وتمارسه ولو رفضوا ولو كرهـوا ولو قامت قيامت غدر سجانك وقام يغلى ويلهث نار " " يا شهيد فى جنات الخلود موت فى إباء موت فى عرين زى الأسود موت وإنت رافع كل راسك للسما علمتنا معنى الصمود علمتنا معنى الخلود علمتنا ...... معنى سيــــد قطــــب " .