رثاء

سامح سراج

ياللى نورك فى سما قلبى

بيكشف دمعتى

عينى بتبكى لحسرتى

دمعى الحزين بيئن لك

بيغرق الجفن بآهاتى وشكوتى

قلبى الكسير بيرجع الماضى السعيد بينّا

يفتكر .......

ضحكك وهمسك بسمتك

صوتك بكاك

حضنك لقاك

صورتك .........

وتنزل دمعتى . ........

كل اللى بينّـا كان ـ يا سامح ـ

ذكريات .

كل اللى بينـّا كان مجرد عمرنا .

من يوم ما شفت الدنيا شفتك

عرفت نفسى عرفت نفسك

عرفنا إيه معنى الحياة

عرفناها سوا .

إزاى بقى بتقول وداع

وإنتهى العمر وضاع

وليه خلاص راح نفترق

يتحول العمر فى ثوانى لذكريات

إنتهى الوقت وفات ............ ........ ....

لحظات أخيرة للوداع

بيعدوا ليك لحظات أخيرة

ويدفونك بين التراب

والعمر ده أصبح سراب

عشرين بيكلفتوها فى التراب

ويغطـّـوا وشك بالكفن .

راح تبقى حى ّ فى دمعتى

رغم الكفن

حزنك شجن

صوتك شدن

ضحكتك خارجه تجلجل

قعدتك ويـــّـا الصحاب

بسمتك بين الصعاب

فاكر ملامحك كلها

رغم الكفن .........

فاكر ـ يا سامح ـ كل ماضينا اللى كان

فاكر زمان

كانت وكان

( والنهاردة ) ...... لا وجود

وكله أصبح فعل كان

ذكرياتنا فعل كان

وإبتسامتك فعل كان

ولقانا وملامحك ، صوتك وجودك .........

كل دوّة فعل كان

كانت زمان

فاكر يا سامح .

............. ....

أخوك : أحمد درويش